ಕಾಮದಿಂದ ಕರಗಿದೆನಯ್ಯ, ಕ್ರೋಧದಿಂದ ಕೊರಗಿದೆನಯ್ಯ;
ಲೋಭ ಮೋಹಂಗಳಿಂದ ಅತಿ ನೊಂದೆನಯ್ಯ;
ಮದ ಮತ್ಸರಂಗಳಿಂದ ಬೆದಬೆದನೆ ಬೆಂದೆನಯ್ಯ;
ಅಹಂಕಾರ ಮಮಕಾರದಿಂದ ಮತಿಮಂದನಾಗಿರ್ದೆನಯ್ಯ;
ಇದು ಕಾರಣ,
ಎನ್ನ ಕಾಮಾದಿ ಷಡುವರ್ಗಂಗಳ ಕಳದು,
ಅಹಂಕಾರ ಮಮಕಾರಂಗಳ ಮಾಣಿಸಿ,
ನಿರಹಂಕಾರಿಯೆಂದೆನಿಸಯ್ಯ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Art
Manuscript
Music
Courtesy:
Transliteration
Kāmadinda karagidenayya, krōdhadinda koragidenayya;
lōbha mōhaṅgaḷinda ati nondenayya;
mada matsaraṅgaḷinda bedabedane bendenayya;
ahaṅkāra mamakāradinda matimandanāgirdenayya;
idu kāraṇa,
enna kāmādi ṣaḍuvargaṅgaḷa kaḷadu,
ahaṅkāra mamakāraṅgaḷa māṇisi,
nirahaṅkāriyendenisayya,
mahāliṅgaguru śivasid'dhēśvara prabhuvē.
