ಓಂಕಾರವೆ ಪಂಚಭೂತಾತ್ಮಮಯ ನೋಡ

ಓಂಕಾರವೆ ಪಂಚಭೂತಾತ್ಮಮಯ ನೋಡಾ. ನಕಾರವೆ ದಶೇಂದ್ರಿಯ, ಮಃಕಾರವೆ ಮನಪಂಚಕಂಗಳು ನೋಡಾ. ಶಿಕಾರವೆ ಪ್ರಾಣಸ್ವರೂಪು, ವಾಕಾರವೆ ದಶವಾಯುಗಳಸ್ವರೂಪು, ಯಕಾರವೆ ತ್ರಿಗುಣಸ್ವರೂಪು ನೋಡಾ. ಓಂಕಾರವೆ ಪಾದಾದಿ ಮಸ್ತಕ ಪರಿಯಂತರ ಪರಿಪೂರ್ಣವಾಗಿ ತ್ವಗುಮಯವಾಗಿಪ್ಪುದು. ನಕಾರವೇ ರುಧಿರಮಯವಾಗಿಪ್ಪುದು. ಮಃಕಾರವೆ ಮಾಂಸಮಯವಾಗಿಪ್ಪುದು. ಶಿಕಾರವೆ ಮೇದಸ್ಸುಮಯವಾಗಿಪ್ಪುದು. ವಾಕಾರವೆ ಅಸ್ಥಿಮಯವಾಗಿಪ್ಪುದು. ಯಕಾರವೆ ಮಜ್ಜಾಮಯವಾಗಿಪ್ಪುದು. ಈ ಷಡಕ್ಷರಮಂತ್ರವೆಲ್ಲವು ಕೂಡಿ ಶುಕ್ಲಮಯವಾಗಿಪ್ಪುದು ನೋಡಾ.ಇದು ಕಾರಣ, ಶರಣನ ಸಪ್ತಧಾತು ಸರ್ವೇಂದ್ರಿಯ ವಿಷಯ ಕರಣಂಗಳೆಲ್ಲವು ಷಡಕ್ಷರಮಂತ್ರಮಯವಾಗಿಪ್ಪವು.ಇದು ಕಾರಣ, ಶರಣನ ಶರೀರವೆ ಶಿವನ ಶರೀರ ನೋಡಾ, ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.

Transliteration Sthala Comment None