ಅಂಥ ಬ್ರಹ್ಮಾಂಡವ ನಾಲ್ಕುನೂರು ಕೋಟಿಯ ಮೇಲೆ
ನಾಲ್ಕು ಸಾವಿರದಾ ಹದಿನೆಂಟು ಬ್ರಹ್ಮಾಂಡವನೊಳಕೊಂಡುದೊಂದು
ಕೂಷ್ಮಾಂಡವೆಂಬ ಭುವನ.
ಆ ಭುವನದೊಳು ಬ್ರಹ್ಮನಾಥನೆಂಬ ಮಹಾರುದ್ರಮೂರ್ತಿ ಇಹನು.
ಆ ರುದ್ರಮೂರ್ತಿಯ ಓಲಗದಲ್ಲಿ
ಸಾವಿರಕೋಟಿಯ ಮೇಲೆ ಮೂನ್ನೂರೆಂಬತ್ತು ನಾಲ್ಕುಕೋಟಿಯ ಮೇಲೆ
ಐನೂರೆಪ್ಪತ್ತಾರುಕೋಟಿ
ನಾರಾಯಣ ಬ್ರಹ್ಮ ರುದ್ರರಿಹರು.
ಸಾವಿರಕೋಟಿಯ ಮೇಲೆ ಮೂನ್ನೂರೆಂಬತ್ತು ನಾಲ್ಕುಕೋಟಿಯ ಮೇಲೆ
ಐನೂರೆಪ್ಪತ್ತಾರುಕೋಟಿ ವೇದಪುರುಷರು
ಮುನೀಂದ್ರರು ಇಂದ್ರಚಂದ್ರಾದಿತ್ಯರು ದೇವರ್ಕಳಿಹರು ನೋಡಾ
ಅಪ್ರಮಾಣಕೂಡಲಸಂಗಮದೇವಾ.
