ಬ್ರಹ್ಮ ಪ್ರಳಯವಾದಲ್ಲಿ, ವಿಷ್ಣು ಪ್ರಳಯವಾದಲ್ಲಿ,
ರುದ್ರ ಅರ್ಧನಾರೀಶ್ವರನಾಗಿ,
ದೇವಕಾಂತಿ ಕಾಂತೆಯರಲ್ಲಿ ಉಳಿಯಿತ್ತು.
ತ್ರಿವಿಧಮೂರ್ತಿ ತ್ರಿವಿಧದಿಂದ ಕೆಟ್ಟ ಮತ್ತೆ ಅರಿವಲ್ಲಿ,
ಆದಿಶೂನ್ಯ ಬ್ರಹ್ಮಪದವಾಯಿತ್ತು,
ಭೇದಶೂನ್ಯ ವಿಷ್ಣುಪದವಾಯಿತ್ತು.
ಅನಾದಿಶೂನ್ಯ ರುದ್ರಪದವಾಗಿ ಭೇದಿಸಿ ತಿರುಗುವಲ್ಲಿ,
ಸ್ಥೂಲದಲ್ಲಿ ತೋರುವ ಶೂನ್ಯ ಅಂಧಕಾರವಾಗಿಪ್ಪುದು.
ಸೂಕ್ಷ್ಮದಲ್ಲಿ ತೋರುವ ಶೂನ್ಯ,
ದಿವಾರಾತ್ರೆಯಂತೆ ಉಭಯವ ಕೂಡಿಕೊಂಡಿಪ್ಪುದು.
ಕಾರಣದಲ್ಲಿ ತೋರುವ ಶೂನ್ಯ,
ಘಟಪಟವ ಗರ್ಭೀಕರಿಸಿಕೊಂಡಿಪ್ಪುದು.
ಇಂತೀ ಶೂನ್ಯ ನಾಮರೂಪ ನಿಃಶೂನ್ಯ ನಿರಾಲಂಬ
ಕುಂದದ ಬೆಳಗು ನುಂಗಿತ್ತು.
ನುಂಗಿದ ಘನಲಿಂಗವೆಂದು ಪ್ರಮಾಣಿಸಲಿಲ್ಲ,
ಕಾಮಧೂಮ ಧೂಳೇಶ್ವರವೆಂದೆನಲಿಲ್ಲ.
Art
Manuscript
Music
Courtesy:
Transliteration
Brahma praḷayavādalli, viṣṇu praḷayavādalli,
rudra ardhanārīśvaranāgi,
dēvakānti kānteyaralli uḷiyittu.
Trividhamūrti trividhadinda keṭṭa matte arivalli,
ādiśūn'ya brahmapadavāyittu,
bhēdaśūn'ya viṣṇupadavāyittu.
Anādiśūn'ya rudrapadavāgi bhēdisi tiruguvalli,
sthūladalli tōruva śūn'ya andhakāravāgippudu.
Sūkṣmadalli tōruva śūn'ya,
divārātreyante ubhayava kūḍikoṇḍippudu.
Kāraṇadalli tōruva śūn'ya,
ghaṭapaṭava garbhīkarisikoṇḍippudu.
Intī śūn'ya nāmarūpa niḥśūn'ya nirālamba
kundada beḷagu nuṅgittu.
Nuṅgida ghanaliṅgavendu pramāṇisalilla,
kāmadhūma dhūḷēśvaravendenalilla.
