ಮಾದಾರ ಧೂಳಯ್ಯ   
Index   ವಚನ - 99    Search  
 
ಷಡುವರ್ಣ ದಶವಾಯು ಚತುಷ್ಟಯಂಗಳು ಪಂಚೇಂದ್ರಿಯ ಅಷ್ಟಮದಂಗಳೆಂದು, ಷೋಡಶಕಳೆಗಳೆಂದು, ತ್ರಿವಿಧ ಶಕ್ತಿಯೆಂದು, ತ್ರಿವಿಧ ಆತ್ಮನೆಂದು, ತ್ರಿವಿಧ, ಭೂತಿಕವೆಂದು, ಪಂಚವಿಂಶತಿತತ್ವಂಗಳೆಂದು, ಪಿಂಡಪಿಂಡಭಾವವೆಂದು, ಜ್ಞಾನಜ್ಞಾನ ಸಂಬಂಧವೆಂದು ಇಂತೀ ಭೇದಂಗಳ ಸಂಕಲ್ಪಿಸಿ ನುಡಿವುದು ಅದೇನು ಹೇಳಾ. ಅದು ಅರಿವಿನ ಮರವೆಯೋ ? ಮರೆದು ಅರಿದ ಎಚ್ಚರಿಕೆಯೋ ? ಇಂತೀ ಭೇದವ ತೆರೆದು ಕಂಡೆನೆಂಬ ಸೂತಕವ ಮರೆದಲ್ಲಿ, ಆ ಗುಣ ಎಂತೆಯಿದ್ದಿತ್ತು ಅಂತೆ ವಸ್ತು, ಕಾಮಧೂಮ ಧೂಳೇಶ್ವರನು.
Transliteration Comment None