ಬಿದ್ದ ಬೀಜ, ಇಕ್ಕಿದ ಸಸಿ ಮುಂತಾದವಕ್ಕೆ
ಬೇರು ಬಿಟ್ಟಲ್ಲದೆ ಮೊಳೆಗೆ ಅಂಕುರವಿಲ್ಲ.
ಸಸಿಗೆ ಹೊಸಬೇರು ಬಿಟ್ಟಲ್ಲದೆ ಎಲೆದೋರದು.
ಚಿತ್ತ ವಸ್ತುವಿನಲ್ಲಿ ನಿಂದಲ್ಲದೆ ನಾನಾ ಸ್ಥಲಂಗಳ ವಿವರವ ಮುಟ್ಟದು.
ಸಸಿ ಬಲಿದು ಹೊಸಸುಳಿ ತೋರಿದಲ್ಲಿಯಲ್ಲದೆ ಆ ತುಷಪರ್ಣ ಬಿಡದು.
ಅಂಗಕ್ಕೆ ಕ್ರೀ, ಆತ್ಮಂಗೆ ಅರಿವು ಉಭಯ ಸಂಬಂಧವಾಗಿಯಲ್ಲದೆ,
ಲಿಂಗವೆಂಬ ಕುರುಹಿಲ್ಲ.
ಆ ಕುರುಹು ಉಭಯವ ನೆಮ್ಮಿ ನಿಂದುದು ಭಕ್ತಸ್ಥಲ.
ಆ ಭಕ್ತಿ ತ್ರಿವಿಧವ ನೆಮ್ಮಿ ನಿಂದುದು ಮಾಹೇಶ್ವರಸ್ಥಲ.
ಆ ಮಾಹೇಶ್ವರಸ್ಥಲ ಮೂರ ಮೆಟ್ಟಿ ಆರ ಕಂಡುದು ಪ್ರಸಾದಿಸ್ಥಲ.
ಆರಡಗಿ ಬೇರೆ ಒಂದೆಯೆಂದಲ್ಲಿ ಪ್ರಾಣಲಿಂಗಿಸ್ಥಲ.
ಒಂದೆಂಬುದು ನಿಂದು ಸಂದನಳಿದಲ್ಲಿ ಶರಣಸ್ಥಲ.
ಶರಣನ ಆಯಿದುಗೂಡಿ ಪ್ರಮಾಣ ನಷ್ಟವಾದಲ್ಲಿ ಐಕ್ಯಸ್ಥಲ.
ಇಂತೀ ಷಡ್ಭಾವ ಸ್ಥಲಂಗಳು ಆಕಾಶವ ನೆಮ್ಮಿ, ಮಹದಾಕಾಶದೊಳಗಾಯಿತ್ತು.
ಅದು ಭಾವವಿಲ್ಲದ ಬ್ರಹ್ಮ, ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Bidda bīja, ikkida sasi muntādavakke
bēru biṭṭallade moḷege aṅkuravilla.
Sasige hosabēru biṭṭallade eledōradu.
Citta vastuvinalli nindallade nānā sthalaṅgaḷa vivarava muṭṭadu.
Sasi balidu hosasuḷi tōridalliyallade ā tuṣaparṇa biḍadu.
Aṅgakke krī, ātmaṅge arivu ubhaya sambandhavāgiyallade,
liṅgavemba kuruhilla.
Ā kuruhu ubhayava nem'mi nindudu bhaktasthala.
Ā bhakti trividhava nem'mi nindudu māhēśvarasthala.
Ā māhēśvarasthala mūra meṭṭi āra kaṇḍudu prasādisthala.
Āraḍagi bēre ondeyendalli prāṇaliṅgisthala.
Ondembudu nindu sandanaḷidalli śaraṇasthala.
Śaraṇana āyidugūḍi pramāṇa naṣṭavādalli aikyasthala.
Intī ṣaḍbhāva sthalaṅgaḷu ākāśava nem'mi, mahadākāśadoḷagāyittu.
Adu bhāvavillada brahma, niḥkaḷaṅka mallikārjunā.
