ಮತ್ಸ್ಯದ ಮನೆಯ ಕೀಟಕನಂತೆ,

ಮತ್ಸ್ಯದ ಮನೆಯ ಕೀಟಕನಂತೆ, ಸಂಸಾರದಲ್ಲಿಯೆ ಹುಟ್ಟಿ, ಸಂಸಾರದಲ್ಲಿಯೆ ಸಾವುತ್ತ, ತೂಳದ ಬೀರರಂತೆ ಅರಿದಲ್ಲಿ ಭಕ್ತನಾಗಿ, ಮರೆದಲ್ಲಿ ಮಾನವನಾಗುತ್ತ, ಇತ್ತಲೆಯ ಸರ್ಪನಂತೆ, ಎತ್ತ ನೋಡಿದರತ್ತ ಕತ್ತಲೆಯ ತೆರನಂತೆ ಇಪ್ಪವರ ಕಂಡು ಭಕ್ತರೆನಲಾರೆ, ವಿರಕ್ತರೆನಲಾರೆ. ಭಕ್ತಿಯುಳ್ಳವ ಮಿಥ್ಯವೆನಿಸಿಕೊಳಲಾರ. ಆ ಉಭಯ ಕೆಟ್ಟ ಕೇಡು, ಎನ್ನ ಸತ್ವದ ಹಾನಿ. ಇದಕ್ಕೆ ನಿಶ್ಚಯವ ಹೇಳಾ, ನಿಃಕಳಂಕ ಮಲ್ಲಿಕಾರ್ಜುನಾ.

Transliteration Comment None