ಹೇರಂಡದ ಬಿತ್ತ ತುಳಿದು, ವಾರಿಯ ಕಲಸಿ ಬೇಯಿಸಿದಲ್ಲಿ,
ವಾರಿ ಬೇರೆ, ತಾ ಬೇರಾದ ಭೇದವ ಬಲ್ಲಡೆ, ಇಷ್ಟಲಿಂಗಸಂಬಂಧಿ.
ಹುಡಿಯ ಕೂಡಿದ ನೀರು ಕದಡಿ ಏಕವಾದಲ್ಲಿ,
ಹುಡಿಯನಡಗಿಸಿ, ನೀರ ನಿರ್ಮಲವ ಮಾಡಬಲ್ಲಡೆ, ಭಾವಲಿಂಗಸಂಬಂಧಿ.
ರುಚಿ ನೀರಿನಲ್ಲಿ ಕರಗಿ ತನ್ನಯ ಅಂಗ ಕುರುಹಳಿದಲ್ಲಿ,
ಆ ತೆರನನರಿದಲ್ಲಿ ಪ್ರಾಣಲಿಂಗಸಂಬಂಧಿ.
ಆ ಸಂಬಂಧವ ಸಂಬಂಧಿಸಿದಲ್ಲಿ ಉಭಯದ ಸೆರಗು
ಕಲೆದೋರದೆ ನಿಂದುದು, ಐಕ್ಯಾನುಭಾವ.
ಅದು ಮಹಾಶರಣನ ಐಕ್ಯ, ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Hēraṇḍada bitta tuḷidu, vāriya kalasi bēyisidalli,
vāri bēre, tā bērāda bhēdava ballaḍe, iṣṭaliṅgasambandhi.
Huḍiya kūḍida nīru kadaḍi ēkavādalli,
huḍiyanaḍagisi, nīra nirmalava māḍaballaḍe, bhāvaliṅgasambandhi.
Ruci nīrinalli karagi tannaya aṅga kuruhaḷidalli,
ā terananaridalli prāṇaliṅgasambandhi.
Ā sambandhava sambandhisidalli ubhayada seragu
kaledōrade nindudu, aikyānubhāva.
Adu mahāśaraṇana aikya, niḥkaḷaṅka mallikārjunā.
