ಅಧೋಮುಖದಷ್ಟದಳಕಮಲದಲ್ಲಿ

ಅಧೋಮುಖದಷ್ಟದಳಕಮಲದಲ್ಲಿ ಹಂಸಗತಿ ಮನದ ನಡೆವಳಿಯಿಂದ ದಿಗ್ವಳಯದ ಅಷ್ಟಗುಣಯುಕ್ತವಾಗಿಹನು. ಇದಲ್ಲದೆ ಮತ್ತೆಯು ನಿಧನ ಚಿಂತೆ ಲಜ್ಜೆ ಕ್ಷುಧ ತೃಷೆ ವಿಷಯ ಆಧಿವ್ಯಾಧಿದ್ಯೂತೋದ್ಯೋಗ ದಾಹ ಶೋಷ ರತಿ ಸ್ವೇದ ಕೋಪ ಶೋಕ ಉದ್ಬ್ರಮೆ ಭಯ ಎಂಬ ಹದಿನೆಂಟು ದೋಷವರಣನಾಗಿ ಅಜ್ಞಾನದಿಂ ತಿರುಗುವ ಜೀವನು ಶ್ರುತಗುರು ಸ್ವಾನುಭಾವದಿಂ ಪರಮನ ಗತಿಯನರಿತು ತನ್ನ ಗತಿಯ ಮೆರೆದು, ದಶವಾಯುವ ದೆಸೆಗೆ ಹರಿಯದೆ, ಮಧ್ಯನಾಳದಲ್ಲಿ ನಿಂದ ಮರುವಾಳ ಮರೆದು ಸೌರಾಷ್ಟ್ರ ಸೋಮೇಶ್ವರಲಿಂದ ಬೆಳಗಿನೊಳಗೆ ಬೆರಸಿ ಬೇರಿಲ್ಲದ ಶಿಖಿಕರ್ಪುರದಂತಾಯಿತ್ತು.

Music Transliteration Comment None