ಮಾದಾರನಲ್ಲಿ ಉಂಡ ಶಿವನು;

ಮಾದಾರನಲ್ಲಿ ಉಂಡ ಶಿವನು; ನೀವೇಕೆ ಉಣ್ಣಿಸರಿ ಎಂದು ಕೇಳಿದಡೆ. ಕೊಡುವೆನುತ್ತರವ, ಕೇಳಿರೆಲೆ ಮನುಜರಿರಾ. ಮಾದಾರನಲ್ಲುಂಡ, ಶಿವನು ಮೇದಾರನಲ್ಲಿಗೆ ಬಂದಲ್ಲಿ, ರೂಪಳಿದು ರೂಪಾಗಿ ಬಾ ಎಂದನಲ್ಲದೆ, ಸಮರಸ ಮಾಡಲಿಲ್ಲವು. ಮೇದಾರನಲ್ಲುಂಡು, ಮಾದಾರನ ಮನೆಗೆ ಬಂದಡೆ, ರೂಪಳಿದು ರೂಪಾಗಿ ಬಾ ಎಂದನಂದು ಚೆನ್ನನು. ಶಬ್ದಸೂತಕ ಶರಣರಿಗಲ್ಲದೆ ಸೂತಕರಿಗೆಲ್ಲಿಹದೋ ಕಪಿಲಸಿದ್ಧಮಲ್ಲಿಕಾರ್ಜುನಾ.

Music Transliteration Comment None