ಸಿದ್ಧರಾಮೇಶ್ವರ   
  •  
  •  
  •  
  •  


Index   ವಚನ - 1737    Search  
 
ಸಮತೆಯೆಂಬ ಕಂಥೆಯ ಧರಿಸಿಪ್ಪ ನೋಡಾ ಜಂಗಮನು. ಅಮಿತವೆಂಬ ಭಸ್ಮವ ಧರಿಸಿಪ್ಪ ನೋಡಾ ಜಂಗಮನು. ಲಿಂಗವೆಂಬ ಕರ್ಪರವ ಕರಸ್ಥಲದಲ್ಲಿ ಧರಿಸಿಪ್ಪ ನೋಡಾ ಜಂಗಮನು. ಸರ್ವಜೀವ ದಯಾಪಾರಿಯೆಂಬ ವಿಮಲ ರುದ್ರಾಕ್ಷಿಯ ಧರಿಸಿಪ್ಪ ನೋಡಾ ಜಂಗಮನು. ನಿರ್ಮೋಹವೆಂಬ ಕೌಪೀನವ ಧರಿಸಿಪ್ಪ ನೋಡಾ ಜಂಗಮನು. ನಿಸ್ಸಂಗವೆಂಬ ಮೇಖಲಾಪರಿಪೂರ್ಣ ನೋಡಾ ಜಂಗಮನು. ಸುಮ್ಮಾನವೆ ಕಿರೀಟವಾಗಿ, ಶುದ್ಧ ಜ್ಞಪ್ತಿಯೆ ಮುಕುಟವಾಗಿ, ನಿರಹಂಕಾರವೆ ಬಹಿರ್ವಾಸವಾಗಿ, ದುವ್ರ್ಯಸನ ದುರ್ಭ್ರಮೆ ಹೃಷೀಕೋತ್ಪಾತವಿಜಯ ಶಿವಯೋಗವಾಗಿ, ಚರಿಸುವನು ನೋಡಾ, ಕಪಿಲಸಿದ್ಧಮಲ್ಲಿಕಾರ್ಜುನನೆಂಬ ಮಹಾಜಂಗಮನು.
Transliteration Samateyemba kaṇṭheya dharisippa nōḍā jaṅgamanu. Amitavemba bhasmava dharisippa nōḍā jaṅgamanu. Liṅgavemba karparava karasthaladalli dharisippa nōḍā jaṅgamanu. Sarvajīva dayāpāriyemba vimala rudrākṣiya dharisippa nōḍā jaṅgamanu. Nirmōhavemba kaupīnava dharisippa nōḍā jaṅgamanu। nis'saṅgavemba mēkhalāparipūrṇa nōḍā jaṅgamanu. Sum'mānave kirīṭavāgi, śud'dha jñāptiye mukuṭavāgi, nirahaṅkārave bahirvāsavāgi, duvryasana durbhrame hr̥ṣīkōtpātavijaya śivayōgavāgi, carisuvanu nōḍā, kapilasid'dhamallikārjunanemba mahājaṅgamanu.