ಆ ಶರಣ ಸ್ಥಲಾನಂತರದಲ್ಲಿ
ಆಚಾರಾದಿ ಮಹಾಲಿಂಗಗಳನು ಚೆನ್ನಾಗಿ
ಒಳಕೊಂಡು ಆತ್ಮಜ್ಞಾನದಿಂದ ಸ್ಥೂಲ ಸೂಕ್ಷ್ಮ ಕಾರಣವೆಂಬ
ತನುತ್ರಯವನು ಚೆನ್ನಾಗಿ ವ್ಯಾಪಿಸಿ
ಆ ಶರೀರತ್ರಯಕ್ಕೆ ಆಶ್ರಯವಾದ
ಆ ಆತ್ಮವನು ಪ್ರಕಾಶವ ಮಾಡಿ ಆ ತೇಜೋ ರೂಪವಾದ
ಸ್ಥೂಲ ಸುಕ್ಷ್ಮಾತ್ಮನು ಚೈತನ್ಯ ರೂಪವೆಂಬ
ಸಾಮರ್ಥ್ಯವನು ಆಕ್ರಮಿಸಿ
ಸತ್ವಾದಿ ಗುಣಂಗಳನು ಲಿಂಗೈಕ್ಯವ ಮಾಡಿ
ತೇಜೋರೂಪವಾದ ಸ್ಥೂಲ ಸೂಕ್ಷ್ಮ ಕಾರಣ ಶರೀರಗಳನು
ಅಂಗತ್ರಯದಲ್ಲಿ ಅಡಗಿಸಿ
ಪಂಚತನ್ಮಾತ್ರೆಗಳನು
ಪಂಚ ಲಿಂಗಂಗಳಲ್ಲಿ ಏಕೀಕರಿಸುವುದಯ್ಯ
ಶಾಂತವೀರೇಶ್ವರಾ
