ಆಚಾರಲಿಂಗ, ಗುರುಲಿಂಗ, ಶಿವಲಿಂಗ,

ಆಚಾರಲಿಂಗ, ಗುರುಲಿಂಗ, ಶಿವಲಿಂಗ, ಜಂಗಮಲಿಂಗ, ಪ್ರಸಾದಲಿಂಗ, ಮಹಾಲಿಂಗ, ನಿಃಕಲಲಿಂಗ, ಶೂನ್ಯಲಿಂಗ ನಿರಂಜನಲಿಂಗವೆಂಬ ನವಲಿಂಗಗಳನವರ ಮುಖಂಗಳ ನವವಿಧಾರ್ಪಣಂಗಳನು ಆವಾತನರಿಯುದಿಹನು, ಆತನು ಎಲ್ಲಾ ಇಂದ್ರಿಯಂಗಳಲ್ಲಿ ಹೀಂಗೆ ನಿರ್ಲೇಪನವನೆಯ್ದುತ್ತಿಹನು. ನಿರ್ಲೇಪತ್ವವನೆಯ್ದಲರಿಯನದು ಕಾರಣ ಗಂಧ ರಸ ರೂಪು ಸ್ಪರ್ಶ ಶಬ್ದ ರತಿ ಕ್ತಿಯೆಗಳಲ್ಲಿ ಏನೂ ಉಳಿಯದೆ ಲಿಂಗಾರ್ಪಿತ ಪ್ರಸಾದೋಪಭೋಗವೆ ‘ಕರ್ತವ್ಯ’ವೆಂದು ಹೇಳುವರು. ಈ ಹೀಂಗೆ ಆವನಾನೊಬ್ಬನು ತತ್ತ್ವವಿಧಾನದಿಂದ ಸರ್ವವೂ ಲಿಂಗಾರ್ಪಿತವೆಂದು ಗುರುಮುಖದಿಂದ ತಿಳಿವುತ್ತಿಹನು ಆತನು ಸಕಳ ಭೋಗಂಗಳ ಸಹಿತ ಭೋಗಿಸಿ ನಿರ್ಲೇಪನಾಗುತ್ತಿಹನಯ್ಯ ಶಾಂತವೀರೇಶ್ವರಾ

Transliteration Comment None