ಶಿವಭಕ್ತನೆ ಕುಲಜ, ಅಧಮದೈವಕ್ಕೆರುಗುವನೆ ಅಕ್ಕುಲಜ.

ಶಿವಭಕ್ತನೆ ಕುಲಜ, ಅಧಮದೈವಕ್ಕೆರುಗುವನೆ ಅಕ್ಕುಲಜ. ಪಟ್ಟಕ್ಕೆ ಯೋಗವಾದವನೆ ರಾಯ. ರಣವಿಜಯನೆ ಕ್ಷತ್ರಿಯ, ವ್ಯವಹಾರಿಯೆ ವ್ಯಶ್ಯ. ಆರಂಬರವ ಮಾಡುವವನೆ ಶೂದ್ರ, ಶಿವಾಗಮದಲ್ಲಿಹಾತನೆ ಬ್ರಾಹ್ಮಣ, ಶಿವಭಕ್ತಹೀನನೆ ಶ್ವಪಚ. ಸತ್ಕುಲಂ ದುಃಕುಲಂ ವಾಪಿ ಶಿವಭಕ್ತಿ ಸಮೇಳನಂ ತಪಸಾ ಬ್ರಾಹ್ಮಣೋ ಭೋತ್ವ ತಸ್ಯ ಜಾತೀ ನಕಾರಯೇತ್' ಎಂದುದಾಗಿ, ಆವ ಜಾತಿಯಾದಡು ಆಗಲಿ ಶಿವಭಕ್ತನೆ ಬ್ರಾಹ್ಮಣ. ಅದೆಂತೆಂದೊಡೆ: ಸಾಂಖ್ಯ ಶ್ವಪಚ, ವಾಲ್ಮೀಕಿ ಬೇಡ, ವ್ಯಾಸ ಕಬ್ಬಲಿಗ, ಅಗಸ್ತ್ಯ, ಕುಂಭಜ, ಕೌಂಡಿಲ್ಯ ನಾಯಿಂದ, ದಧೀಚಿ ಕಂಚಗಾರ, ಕಾಶ್ಯಪ ಕಮ್ಮಾರ ದೂರ್ವಾಸ ಮುಚ್ಚಿಗ, ವಶಿಷ್ಥೆ ವೇಶ್ಯಯ ಮಗ, ಗೌತಮ ಮೊಲದ ಮಗ. ತೃಣಬಿಂದುಮುನಿ ತೃಣದ ಮಗ, ನಾರದ ಅಗಸ ಮಾರ್ಕಂ ಡೇಯ ಹೊಲತಿಯ ಮಗ, ಮಾತಂಗ ಹೊಲೆಯ, ಭಾರಧ್ವಾಜಮುನಿಜಗವರಿಯೆ ಮಾದಗಿತ್ತಿಯ ಮಗ, ಇಂತೀ ಮಹಾಮುನಿಜನಂಗಳೆಲ್ಲ ವಿಭೂತಿ ರುದ್ರಾಕ್ಷೀಯಂ ಧರಿಸಿ, ಪಂಚಾಕ್ಷರಿಯಂ ಜಪಿಸಿ, ಶಿವಲಿಂಗಭಕ್ತರಾದ ಕಾಋಣ ಪೂರ್ವಗುಣವಳಿದು ಬ್ರಾಹ್ಮಣರಾದರು. ಶಿವಭಕ್ತಿಯಿಲ್ಲದ ವಿಪ್ರ ಶ್ವಪಚಗಿಂದ ಅಧಮ, ಅದೆಂತೆಂದೊಡೆ: ನಳಚಕ್ರವರ್ತಿ ಹೋನ್ನ ಗೋದಾನವಂ ಕೋಡುವಲ್ಲಿ, ವಿಪ್ರೆಲ್ಲಾ ಗೋವ ಕಡಿದು ವಿಭಾಗವ ಮಾಡಿಕೋಂಬುದ ಶ್ವವಪಚರು ಕೇಳಿ ಓಡಿಬಂದು, ಸತ್ತುದು ನಮಗೆ ಸಲ್ಲುವುದು, ಸಾಯದುದು ನಿಮಗೆ ಸಲುವುದು ಎಂದು ನ್ಯಾಯವಿಚಾರದಲ್ಲಿ ಶ್ವಪಚರ ಕೊಂಡೊಯ್ಯುತ್ತಿರಲು. ಮಾತಂಗಿಯ ಗರ್ಭಸಂಭವರೆಂಬ ಶ್ರುತಿ ಯ ವಿಪ್ರರು ತಿಳಿದು ನೋಡಿ ಮಾತಂಗಿಯ ಮಕ್ಕ ಳು, ಶ್ವಪಚರು, ರೇಣುಕಾದೇವಿಯ ಮಕ್ಕ ಳು, ವಿಪ್ರುರು. ವಿಪ್ರುರು.ಶ್ವಪಚಚರು [ಜಮದಗ್ನಿಗೆ ಹುಟ್ಟಿದಕಾರಣ, ತಮತಮಗೆ ದಾಯಾದ್ಯ ಭಾಗ-ಸಲ್ವದ ಎಂದು ಕೋಡು ಕೊಳಗಬಾಲವ ವಿಭಾಗದ ಮಾಡಿಕೊಂಡ ಕಾರಣ ಕರ್ಮಚಾಂಡಾಲರಾದರು. ಜಾತಿಚಾಂಡಾಲಕಾನಂದಂ ದೋಷಂತತ್ರ ನವಿದ್ಯತೆ ಕರ್ಮಚಾಂಡಾಲವಿಪ್ರ ಣಾಂ ನರಕೆ ಕಾಲಮಕ್ಷಯಂ ಎಂದು ಸತ್ತ ಪಶುವ ತಿಂಬ ಹೊಲೆಯಂಗೆ.ದೋಷವಿಲ್ಲ. ಗುದ್ದಿ ಗುದ್ದಿಬಾಧಿಸಿಹೋತ ಕೊಂದುತಿಂದು ಸುರೆ ಯಂಕುಡಿದ ಶ್ವಪಚರಿಗಿಂದ ಅಧಮ ಪಾತಕರಾದ ವಿಪ್ರ,ರು ಶಿವಭ ಕ್ತರ ಕುಲವ?ಜರೆಯುಲುಂಟೆ? ರೋಮಜ ಮೊದಲಾದಮುನಿಜನಂಗಳು ಹರಿ ಬ್ರಹ್ಮೇಂದ್ರೀಯ ದೇವಗಣಂಗಳು ಶಿವಲಿಂಗ ಪ್ರಸಾದವ ಕೊಂಡು ಉತ್ತಮ ಪುರುಷ.ರಾದರು. ಇವರೆಲ್ಲರಿಗೆಯೂ ಶಿವಭಕ್ತನೆ ಅಧಿಕವೆಂದು, ಶಿವನು ಚೆನ್ನಯ್ಯನ ಪ್ರಸಾದವ ಕೊಂಡನಯ್ಯಾ. ನಿಮ್ಮನರ್ಚಿಸಲು ಸಾವಿರ ಹಸ್ತವನುಳ್ಳ ಬಾಣಂಗೆ ತೀರದು, ನಿಮ್ಮನರ್ಚಿಸಲು ಸಾವಿರ ನೇತ್ರವುಳ್ಳ ಶಕ್ತಿಗೆ ನಿರೀಕ್ಷಿಸಬಾರದು. ನಿಮ್ಮಂಘ್ರಿಯ ಕೀರ್ತಿಯ ಸಾವಿರ ಜಿಹ್ವೆಯುಳ್ಳ ಫಣಿ ಕೀರ್ತಿಸಲಾರಂ ಮಹಾಘನವೆಂತೋ ಉರಿಲಿಂಪೆದ್ದಿಪ್ರಿಯ ವಿಶ್ವೇಶ್ವರಾ.

Transliteration Comment None