ಶಿವಶಿವಾ ಮಹಾಪ್ರಸಾದ
ಎನ್ನ ಚರಣವು ನಿಮ್ಮ ಶಿವಾಚಾರಮಾರ್ಗದಲ್ಲಲ್ಲದೆ
ಅನ್ಯಮಾರ್ಗದಲ್ಲಿ ಚರಿಸದಂತೆ ಮಾಡಯ್ಯ.
ಎನ್ನ ಹಸ್ತವು ನಿಮ್ಮನಲ್ಲದೆ ಅನ್ಯವ ಮುಟ್ಟದಂತೆ ಮಾಡಯ್ಯ.
ಎನ್ನ ಕಂಗಳು ನಿಮ್ಮನಲ್ಲದೆ ಅನ್ಯವ ನೋಡದಂತೆ ಮಾಡಯ್ಯ.
ಎನ್ನ ಶ್ರೋತ್ರವು ನಿಮ್ಮ ಕೀರ್ತನೆಯನಲ್ಲದೆ
ಅನ್ಯವ ಕೇಳದಂತೆ ಮಾಡಯ್ಯ.
ಎನ್ನ ಜಿಹ್ವೆಯು ನಿಮ್ಮನಲ್ಲದೆ ಅನ್ಯರ ಹೊಗಳದಂತೆ ಮಾಡಯ್ಯ.
ಎನ್ನ ಮನವು ನಿಮ್ಮನಲ್ಲದೆ ಅನ್ಯವ ಬಯಸದಂತೆ
ಮಾಡಯ್ಯ ಅಖಂಡೇಶ್ವರಾ.
Art
Manuscript
Music
Courtesy:
Transliteration
Śivaśivā mahāprasāda
enna caraṇavu nim'ma śivācāramārgadallallade
an'yamārgadalli carisadante māḍayya.
Enna hastavu nim'manallade an'yava muṭṭadante māḍayya.
Enna kaṅgaḷu nim'manallade an'yava nōḍadante māḍayya.
Enna śrōtravu nim'ma kīrtaneyanallade
an'yava kēḷadante māḍayya.
Enna jihveyu nim'manallade an'yara hogaḷadante māḍayya.
Enna manavu nim'manallade an'yava bayasadante
māḍayya akhaṇḍēśvarā.
