ಷಣ್ಮುಖಸ್ವಾಮಿ   
Index   ವಚನ - 144    Search  
 
ನಿಮ್ಮ ತೊತ್ತಿನ ತೊತ್ತು ಪಡಿದೊತ್ತೆಂದು ಎನ್ನ ಕೈವಿಡಿದು ತಲೆದಡಹಿ ವರದಭಯಹಸ್ತವ ಕೊಟ್ಟು ಮರ್ತ್ಯಲೋಕಕ್ಕೆ ಎನ್ನ ಕಳುಹಿದಿರಾಗಿ, ನೀನೇ ಕರ್ತನು ನಾನೇ ಭೃತ್ಯನು; ನೀನೇ ಒಡೆಯನು ನಾನೇ ಬಂಟನು; ನೀನೇ ಆಳ್ದನು ನಾನೇ ಆಳು; ನೀನೇ ದೇವನು ನಾನೇ ಭಕ್ತನಾಗಿ, ನೀನು ಮಾಡೆಂದ ಮಣಿಹವ ಮಾಡುತಿರ್ಪೆನು; ನೀನು ಬೇಡೆಂದ ಮಣಿಹವ ಬಿಡುತಿರ್ಪೆನು; ನೀನು ಹೇಳಿದ ತೊತ್ತು ಸೇವೆಯ ಮಾಡುತಿಪ್ಪೆನಯ್ಯ ಅಖಂಡೇಶ್ವರಾ.
Transliteration Sthala Comment None