ಚತುರ್ಭೂತಂಗಳನೊಳಕೊಂಡು

ಚತುರ್ಭೂತಂಗಳನೊಳಕೊಂಡು ನೀಲಲೋಹಿತಾದಿ ವರ್ಣಂಗಳಿಲ್ಲದಿಹುದೆ ಭೂತಾಕಾಶವೆನಿಸುವುದು. ಅದನೊಳಗೊಂಡುದು ನೀಲವರ್ಣಮಾದ ಸ್ಥೂಲಾಕಾಶವೆನಿಸುವುದು. ಅದನೊಳಗೊಂಡುದು ಅರುಣವರ್ಣಮಾದ ಮಹದಾಕಾಶವೆನಿಸುವುದು. ಅದನೊಳಗೊಂಡುದು ಶ್ವೇತವರ್ಣಮಾದ ತತ್ತ್ವಾಕಾಶವೆನಿಸುವುದು. ಈ ಚತುರ್ವಿಧದಾಕಾಶವನೊಳಗೊಂಡುದು ಕೋಟಿಸೂರ್ಯಪ್ರಕಾಶಮಾದ ಬಿಂದ್ವಾಕಾಶವೆನಿಸುವುದಾಗಿ, ಕಣ್ಣಮುಂದಣ ಬಯಲಿನೊಳಗೆ ಕ್ರಮದಿಂದಾಯಾಯ ಆಕಾಶಂಗಳನು ಕಾಣ್ಬುದೆ ಮಧ್ಯಲಕ್ಷ್ಯ ನೋಡಾ ಅಖಂಡೇಶ್ವರಾ.

Transliteration Sthala Comment None