ದೇಶಿಕೇಂದ್ರ ಸಂಗನಬಸವಯ್ಯ   
Index   ವಚನ - 374    Search  
 
ಕಾಯವನರ್ಪಿಸಲರಿಯದೆ ಶುದ್ಧಪ್ರಸಾದಿಯೆಂದರೆ ಆಣವಮಲಸಂಬಂಧಿ ಸಂಚಿತಸುಖಿ. ಮನವನರ್ಪಿಸಲರಿಯದೆ ಸಿದ್ಧಪ್ರಸಾದಿಯೆಂದರೆ ಮಾಯಾಮಲಸಂಬಂಧಿ ಪ್ರಾರಬ್ಧ ಸುಖಿ. ಪ್ರಾಣವನರ್ಪಿಸಲರಿಯದೆ ಪ್ರಸಿದ್ಧ ಪ್ರಸಾದಿಯೆಂದರೆ ಕಾರ್ಮಿಕಮಲಸಂಬಂಧಿ ಆಗಾಮಿಸುಖಿ. ಮಲತ್ರಯಸಂಬಂಧವಾಗಿ ಕರ್ಮತ್ರಯನುಂಬ ಭ್ರಾಮಕರರಿವರೆ ತ್ರಿವಿಧ ಪ್ರಸಾದದಿರವ? ಅನಾದಿಸಂಸಿದ್ಧ ನಿರಂಜನ ಪ್ರಸಾದಿಯೇ ಬಲ್ಲನಯ್ಯಾ ಗುರುನಿರಂಜನ ಚನ್ನಬಸವಲಿಂಗಾ.
Transliteration Sthala Comment None