ದೇಶಿಕೇಂದ್ರ ಸಂಗನಬಸವಯ್ಯ   
Index   ವಚನ - 757    Search  
 
ಅಯ್ಯಾ, ಎನ್ನ ಚೌಪೀಠಮಂಟಪದಲ್ಲಿ ಪ್ರಭುದೇವರನುಭಾವವ ನೋಡಿ ಪರಮಪರವಶವಾಗಿರ್ದೆನು. ಅಯ್ಯಾ, ಎನ್ನ ಮಧ್ಯಪೀಠದಮಂಟಪದಲ್ಲಿ ಚನ್ನಬಸವಣ್ಣನನುಭಾವವ ನೋಡಿ ನಿರುತಪರವಶವಾಗಿರ್ದೆನು. ಅಯ್ಯಾ, ಎನ್ನ ಕಂಗಳಮುಂದಣ ಮಂಗಳಮಂಟಪದಲ್ಲಿ ಬಸವಣ್ಣನನುಭಾವವ ನೋಡಿ ಅವಿರಳಪರವಶವಾಗಿರ್ದೆನು. ಇಂತು ಸಕಲ ಪುರಾತನರನುಭಾವಪ್ರಕಾಶದೊಳು ಮುಳುಗಿ ಘನಪರವಶದಿಂದೋಲ್ಯಾಡುತಿರ್ದೆನು ಗುರುನಿರಂಜನ ಚನ್ನಬಸವಲಿಂಗ ನಿಮ್ಮೊಳಗೆ.
Transliteration Sthala Comment None