ಅಯ್ಯಾ, ಈ ದುರಾಚಾರ ದುರ್ಜೀವ ಮನಪ್ರಾಣಂಗಳಿಂದ

ಅಯ್ಯಾ, ಈ ದುರಾಚಾರ ದುರ್ಜೀವ ಮನಪ್ರಾಣಂಗಳಿಂದ ಗುಹ್ಯಲಂಪಟ-ಜಿಹ್ವಾಲಂಪಟಕ್ಕೊಳಗಾಗಿ, ಹೊಟ್ಟೆಬೇನೆ, ತಲೆಬೇನೆ, ಕಣ್ಣುಬೇನೆ, ಮೈಶೂಲೆ ಹುಣ್ಣು, ಉಷ್ಣ, ಮೂಲವ್ಯಾಧಿ, ಗಿಣ್ಣುರೋಗ, ಉರಿ, ಚಳಿ ಮೊದಲಾಗಿ ಮೂನ್ನೂರರವತ್ತು ವ್ಯಾಧಿಯ ಹುಳುಗೊಂಡದಲ್ಲಿ ಬಿದ್ದು ತೊಳಲಿದೆನಯ್ಯ. ಎನ್ನ ತಾಯಿ-ತಂದೆ ಬಂಧು-ಬಳಗ ಒಡಹುಟ್ಟಿದವರು ಪುತ್ರ ಪುತ್ರಿ ಪೌತ್ರ ಮೊದಲಾಗಿ ಸಂಸಾರವೆಂಬ ಭವಬಂಧನಬಾಧೆ ಲಂಪಟದಿಂದ ತೊಳಲಿದೆನಯ್ಯ ಗುರುವೆ. ಇಂಥ ಅನಾಚಾರದಲ್ಲಿ ವರ್ತಿಸಿ, ಮತ್ತೊಬ್ಬರಿಗೆ ಸದಾಚಾರವ ಹೇಳಿ, ನಿಂದ್ಯ-ವಂದನೆಯಿಂದ ಸಮಸ್ತಯೋನಿ ಭವರಾಟಾಳದಲ್ಲಿ ತಿರುಗಿದೆನಯ್ಯ! ಶ್ರೀಗುರುಲಿಂಗಜಂಗಮವೆ, ಹರಹರ ಶಿವಶಿವ ಜಯಜಯ ಕರುಣಾಕರ ಮತ್ಪ್ರಾಣನಾಥ ಮಹಾಶ್ರೀಗುರುಸಿದ್ಧಲಿಂಗೇಶ್ವರ.

Transliteration Comment None