ಕರ್ಮೇಂದ್ರಿಯಂಗಳ ನಿರ್ಮೂಲ್ಯವ ಮಾಡಬಲ್ಲರೆ ಶರಣ.
ಅರಿಷಡ್ವರ್ಗಂಗಳ ಕಡಿದು ಕತ್ತರಿಸಬಲ್ಲರೆ ಶರಣ.
ಶಬ್ದಾದಿ ವಿಷಯಂಗಳ ಸಂಹರಿಸಿ,
ಬುದ್ಧೀಂದ್ರಿಯಂಗಳ ಒದ್ದು ನೂಕಬಲ್ಲರೆ ಶರಣ.
ಪ್ರಾಣಾದಿ ವಾಯುಗಳ ಪರಿಹರಿಸಿ,
ಅಂತಃಕರಣಂಗಳ ಭ್ರಾಮಕವ ನಿವೃತ್ತಿಯ ಮಾಡಬಲ್ಲರೆ ಶರಣ.
ಗುಣತ್ರಯಂಗಳನಳಿದು, ಪ್ರಣವ ಮೂಲವ ತಿಳಿದು,
ತ್ರಿಣಯನನಪ್ಪಿ ಅಗಲದಿರಬಲ್ಲರೆ
ಆ ಶರಣಂಗೆ ನಮೋನಮೋಯೆಂಬೆ.
ಇಂತಿವನೆಲ್ಲವ ತನ್ನೊಳಗಿರಿಸಿಕೊಂಡು
ತಾನೇ ಸತಿ, ಲಿಂಗವೇ ಪತಿಯಾಗಿ
ಪಂಚೇಂದ್ರಿಯಂಗಳು ನಾಸ್ತಿಯಾಯಿತ್ತೆಂಬ
ಪ್ರಪಂಚಿಗಳ ಮೆಚ್ಚರು ಕಾಣಾ ನಿಮ್ಮಶರಣರು,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Art
Manuscript
Music
Courtesy:
Transliteration
Karmēndriyaṅgaḷa nirmūlyava māḍaballare śaraṇa.
Ariṣaḍvargaṅgaḷa kaḍidu kattarisaballare śaraṇa.
Śabdādi viṣayaṅgaḷa sanharisi,
bud'dhīndriyaṅgaḷa oddu nūkaballare śaraṇa.
Prāṇādi vāyugaḷa pariharisi,
antaḥkaraṇaṅgaḷa bhrāmakava nivr̥ttiya māḍaballare śaraṇa.
Guṇatrayaṅgaḷanaḷidu, praṇava mūlava tiḷidu,
triṇayananappi agaladiraballare
ā śaraṇaṅge namōnamōyembe.
Intivanellava tannoḷagirisikoṇḍu
tānē sati, liṅgavē patiyāgi
pan̄cēndriyaṅgaḷu nāstiyāyittemba
prapan̄cigaḷa meccaru kāṇā nim'maśaraṇaru,
mahāliṅgaguru śivasid'dhēśvara prabhuvē.
