ಶುದ್ಧ ಶಿವತತ್ವ ವೇದ್ಯವಾಗಿ ಶಬ್ದಮುಗ್ಧನಾದೆನಾಗಿ

ಶುದ್ಧ ಶಿವತತ್ವವೇದ್ಯವಾಗಿ ಶಬ್ದಮುಗ್ಧನಾದೆನಾಗಿ ಮೂರ್ತಿ ಅಮೂರ್ತಿ ತತ್ವಾತತ್ವಂಗಳನರಿಯೆ. ಮದ ಮೋಹಂಗಳ ಮರೆದೆ. ಅದೇನುಕಾರಣವೆಂದರೆ: ಮಂದೆ ಅರಿವುದಕ್ಕೆ ಕುರುಹಿಲ್ಲವಾಗಿ. ಅರುಹು ಕುರುಹುನೊಳಕೊಂಡು ತೆರಹಿಲ್ಲದ ಪರಿಪೂರ್ಣನಿಗೆ ಮಾಯವೆಲ್ಲಿಯದೋ? ದೇಹಮದೆಲ್ಲಿಯದು? ದೇಹಿಯದೆಲ್ಲಿಯವನು? ಮಾಯ ದೇಹ ದೇಹಿಯಿಲ್ಲವಾಗಿ ಸ್ವಯವೆಲ್ಲಿಯದು ಪರವೆಲ್ಲಿಯದು? ಪರವಸ್ತು, ತಾನಾದ ಶರಣಂಗೆ ಮುಂದೇನನು ಹೇಳಲಿಲ್ಲ ಕಾಣಾ. ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.

Transliteration Sthala Comment None