ನಿಶ್ಚಲನೆಂಬ ನಿರ್ದೇಹಿಯ ಮೇಲೆ
ಸಚ್ಚಿದಾನಂದವೆಂಬ ಪರವು ಬಂದೆರಗಿಯೆಯ್ದಿ
ಎಯ್ದೆ ನುಂಗಿತ್ತು ನೋಡಾ.
ಎಯ್ದಿ ನುಂಗಲಾಗಿ ಕಾರ್ಯನೆನಲಿಲ್ಲ; ಕಾರಣನೆನಲಿಲ್ಲ;
ಪರಮ ಕಾರಣನೆನಲಿಲ್ಲ;
ಜೀವ ಪರಮರೈಕ್ಯವನೊಳಕೊಂಡು ತೀವಿ
ಪರಿಪೂರ್ಣ ಪರಾಪರನೆನಲಿಲ್ಲ.
ಲಕ್ಷ್ಯನೆನಲಿಲ್ಲ; ನಿರ್ಲಕ್ಷ್ಯನೆನಲಿಲ್ಲ; ಅಲಕ್ಷ್ಯಯನ ಅದ್ವಯನ.
ಶೂನ್ಯನೆನಲಿಲ್ಲ; ನಿಶ್ಯೂನ್ಯನೆಲಿಲ್ಲ; ಮಹಾಶೂನ್ಯನೆನಲಿಲ್ಲ.
ಏನು ಏನೂ ಎನಲಿಲ್ಲ.
ನಿರಾಕಾರ ಬಯಲು ನಿಶ್ಯಬ್ದಮಯವಾದ ಕಾರಣ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೆಂಬ
ನಾಮ ರೂಪು ಕ್ರೀಗಳು ನಷ್ಟವಾದ ಕಾರಣ
ಏನೂ ಎನಲಿಲ್ಲ ನೋಡಾ.
