ಅಯ್ಯಾ ಅರಗಿನ ಮರದ ಮೇಲೆ ಗಿರಿ ಹುಟ್ಟಿತ್ತಯ್ಯಾ.
ಆ ಗಿರಿಯ ತಪ್ಪಲಲ್ಲಿ ಸಪ್ತಶರಧಿಗಳಿಪ್ಪವು.
ಆ ಶರಧಿಯ ನಡುವೆ,
ತರು ಮರ ಗಿರಿ ಗಹ್ವರ ಖಗ ಮೃಗಂಗಳಿಪ್ಪವು.
ಈ ಭಾರವ ತಾಳಲಾರದೆ,
ಅರಗಿನ ಮರದಡಿಯಲಿರ್ದ ಪರಮಜ್ಞಾನವೆಂಬ ಉರಿಯೆದ್ದು,
ಅರಗಿನ ಮರ ಕರಗಿ ಕುಸಿಯಿತ್ತು,
ಗಿರಿ ನೆಲಕ್ಕೆ ಬಿದ್ದಿತ್ತು, ಸಪ್ತಶರಧಿಗಳು ಬತ್ತಿದವು.
ಅಲ್ಲಿರ್ದ ತರು ಮರ ಖಗ ಮೃಗಾದಿಗಳು ಗಿರಿಗಹ್ವರವೆಲ್ಲ ದಹನವಾದವು.
ಇದ ಕಂಡು, ನಾ ನಿಮ್ಮೊಳು ಬೆರಗಾಗಿ ನೋಡುತಿರ್ದೆನಯ್ಯಾ,
ಬಸವಪ್ರಿಯ ಕೂಡಲಚೆನ್ನಬಸವಣ್ಣಾ.
Art
Manuscript
Music Courtesy:
Video
TransliterationAyyā aragina marada mēle giri huṭṭittayyā.
Ā giriya tappalalli saptaśaradhigaḷippavu.
Ā śaradhiya naḍuve,
taru mara giri gahvara khaga mr̥gaṅgaḷippavu.
Ī bhārava tāḷalārade,
aragina maradaḍiyalirda paramajñānavemba uriyeddu,
aragina mara karagi kusiyittu,
giri nelakke biddittu, saptaśaradhigaḷu battidavu.
Allirda taru mara khaga mr̥gādigaḷu girigahvaravella dahanavādavu.
Ida kaṇḍu, nā nim'moḷu beragāgi nōḍutirdenayyā,
basavapriya kūḍalacennabasavaṇṇā.
