ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ ಅಂಕಿತದ ವಚನಗಳು   
Index   ವಚನ - 71    Search  
 
ಬೀಜವೃಕ್ಷವು ಮೊದಲಿಕಡೆ, ಸ್ವಜಾತಿ ಇಂದ್ರಿಯದ ಬುಡಕಡೆ, ಅಜಾತಿ ಜಾತಿ ಜನಿತದ ಜನ್ಮಕಡೆ, ತೇಜ ಅಗ್ನಿ ಜಲವೆರಡರ ನಡುಗಡೆ, ದ್ವಿಜಾತಿ ಜಾತಿಯತ್ತತ್ತ ಕಡೆ. ಸುಜಾತನಾತ ವರ್ಣಿಸಿದಾತ ವೃಕ್ಷಬೀಜವ. ಮಾಜಿದ ಮಾತಿನೊಳು ಮಾತು ಉಂಟು ಮಂತ್ರಗೋಪ್ಯ. ಅಜಾತ ಕೂಡಲಚೆನ್ನಸಂಗನ ಶರಣರು ಇಕ್ಕಿದ ಮುಂಡಿಗೆಯ, ಕುಲಜಾತಿಬೇದವ ಮಾಡುವ ಜಗದನ್ಯಾಯಿಗಳು ಎತ್ತಿಕೊಳ್ಳಿ ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.
Transliteration Comment None