ಪೂರ್ವಜಾತ ಪುನರ್ಜಾತ, ಪೂರ್ವದೀಕ್ಷೆ ಪುನರ್ದೀಕ್ಷಾ

ಪೂರ್ವಜಾತ ಪುನರ್ಜಾತ, ಪೂರ್ವದೀಕ್ಷೆ ಪುನರ್ದೀಕ್ಷಾ ನಡೆಯಿತು ಪೂರ್ವ, ನುಡಿಯಿತು ಪೂರ್ವ. ಪೂರ್ವವೇ ಕುಲಾಚಾರ, ಪುನರ್ವವೇ ಶಿವಾಚಾರ. ಅಪೂರ್ವ ಶಿವಾಚಾರವ ಬಿಟ್ಟು ಅಪರಾದಿ ಕುಲಾಚಾರವ ಹಿಡಿವರೆ ಅಯ್ಯ? ಉಂಬುದು ಉಡುವುದು ಶಿವಾಚಾರ, ಕೊಂಬುದು ಕೊಡುವುದು ಕುಲಾಚಾರ ಎಂದ ಕಾರಣದಿಂದ ಪೂರ್ವವು ನಡೆಯಿತು. ಪುನರ್ವವು ಇಲ್ಲ; ಪುನರ್ವವು ಎಂತೆಂದಡೆ, ಉಂಬುದು ಉಡುವುದು ಶಿವಾಚಾರ, ಕೊಂಬುದು ಕೊಡುವುದು ಶಿವಾಚಾರ ಅರ್ಧಮಾಸ ಪೂರ್ವ, ಅರ್ಧಮಾಸ ಅಪೂರ್ವ ಕಾಣಾ ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.

Transliteration Comment None