ಲಿಂಗ ಉಂಟೊ ಇಲ್ಲವೊ ಎಂಬ ಭಂಗಿತನ ಶಬ್ದವ
ಕೇಳಬಹುದೆ ಕರ್ಣದಲ್ಲಿ?
ಲಿಂಗ ಉಂಟಾದವರಾರು, ಲಿಂಗವಿಲ್ಲದವರಾರು?
ಲಿಂಗವ ತಾ ಕಲ್ಪಿಸಿದನೊ? ತನ್ನ ಲಿಂಗ ಕಲ್ಪಿಸಿತೊ?
ಲಿಂಗ ಕರ್ತ. ತಾ ಭೃತ್ಯ; ಅನಂಗಿಗ್ಯಾತಕ್ಕೊ? ಲಿಂಗದ ಹಂಗು?
ಲಿಂಗಸಾಹಿತ್ಯವಾದಬಳಿಕ ಅಂಗ(ಲಿಂಗ?) ಬೀಳಲ್ಯಾತಕ್ಕೊ?
ಕಂಗುರುಡ ಕನ್ನಡಿಯ ನೋಡಿ ಮೂಗ ಕೊಯ್ದುಕೊಂಡಾಯಿತು.
ತಿಂಗಳದ ಚೋರಟೆಯ ಯುಗದ ಸುದ್ದಿಯ ಕೇಳಲ್ಯಾತಕ್ಕೊ?
ಲಿಂಗದ ಗರ್ಭದೊಳು ಅನಿಲವಡಗಿದಂತೆ, ಈ ಉತ್ಪತ್ಯ
ಲಿಂಗವನು ಇನ್ನು ವಿಂಗಡಿಸಿವರೆ ಅಳವಲ್ಲ ಕಾಣಾ
ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.
