ಪೂರ್ವದಲ್ಲಿ ಉಪಮನ್ಯ ಮುನೀಶ್ವರನು
ಪಿಶಾಚಿಗಳಿಂದ ಹಿಂಸೆಗೆ ಒಳಗಾಗಿಯೂ
ಬ್ರಹ್ಮ ಪ್ರಕಾಶವುಳ್ಳವನಾಗಿ
ಶಿವಸ್ಮರಣೆಯನು ಮಾಡಿ ಚಲಿಸದೆ ಇದ್ದನು.
ಆ ಮೇಲೆ ಗಂಭೀರವಾದ ಧ್ವನಿಯಿಂದ
‘ನಮಃ ಶಿವಾಯ’ ಎಂದು ನುಡಿದನು;
ಹಿಂದೆ ಹಿಂಸಿಸಿದ ಪಿಶಾಚಿಗಳು
ಉಪಮನ್ಯು ಮಹಾಮುನೀಶ್ವರರು
ಕಾರಣವಾಗಿ ಪಂಚಾಕ್ಷರಿ ಮಂತ್ರವನ್ನು
ಕೇಳಿ ಆ ಕ್ಷಣವೆ ಪಿಶಾಚ ದೇಹವನು
ಬಿಟ್ಟು ಮನುಷ್ಯ ದೇಹವಂ ತಾಳಿ
ಶಿರಸ್ಸಿನಿಂದ ಮಹಾತೇಜಃಪ್ರಭಾವವುಳ್ಳ
ಉಪಮನ್ಯು ಮುನೀಶ್ವರರ ಸಮೀಪಿಸಿ
‘ಎಲೆ ಮಹಾಮುನಿಯೆ ನಮ್ಮನು ರಕ್ಷಿಸು’
ಎಂದು ನುಡಿದ ನಮಸ್ಕಾರವ ಮಾಡಿದರಯ್ಯ
ಶಾಂತವೀರೇಶ್ವರಾ
