ಒಂದು ಪುಷ್ಪವು ಕಡಿಮೆಯಾಗಲಾಗಿ
ಇದೇನೆಂದು ಚಿಂತಿಸಿದ ನಾರಾಯಣನು
ಆಗ ತನ್ನ ಕಣ್ಣನೆ ಕಿತ್ತು ಶಂಕರನನು ಅರ್ಚಿಸಿದನಯ್ಯ
ಅಂದು ಮೊದಲಾಗಿ ಆ ವಿಷ್ಣುವನು ಪುಂಡರೀಕಾಕ್ಷನೆಂದು ಹೇಳುವರು.
ಶಿವನು ವಿಷ್ಣುವಿಗೆ ಸುದರ್ಶನವನು ಕೊಟ್ಟನೆಂದು ಹೇಳುವರಯ್ಯ
ಶಾಂತವೀರೇಶ್ವರಾ
ಸೂತ್ರ : ಈ ಪ್ರಕಾರದಿಂದೆ ಲಿಂಗನಿಷ್ಠೆಯೊಡನೆ ಕೂಡಿದ ಮಾಹೇಶ್ವರನು ಆ ಲಿಂಗದಲ್ಲಿ ಲೋಲುಪ್ತಿಯುಳ್ಳವನಾಗುತ್ತ ತನ್ನ ಪೂರ್ವದಲ್ಲಿಯ ಜನನವು ಜೀವಭಾವವು ಲೌಕಿಕ ಸಂಬಂಧವಾದ ಹಲವು ಪ್ರಪಂಚದ ಪೂರ್ವಾಶ್ರಯಂಗಳನು ಮಿಥ್ಯೆ ಎಂದರಿದು ನಿರಸನಮಂ ಮಾಡುತ್ತಿರಲು ಮುಂದೆ ಪೂರ್ವಾಶ್ರಯನಿರಸನಸ್ಥಲವಾದುದೆಂತೆನೆ:
