ಕಡಬದ ಮೊಗ್ಗೆಯ ಆಕಾರ ಉಳ್ಳ ಜಗತ್ತಿಗೆ
ಪರಮಾಪ್ತನಾದ ವೇದ ಮೊದಲಾದ ಆಗಮಂಗಳಿಗೆ
ಪ್ರಣವ ಮೊದಲಾದ ಮಂತ್ರಗಳಿಗೆ
ಸತ್ಕ್ರಿಯೆ ಮೊದಲಾದ ಕರ್ಮಂಗಳಿಗೋಸ್ಕರ
ಒಬ್ಬನಾದ ರುದ್ರನೆನಿಸಿಕೊಂಬ ಈ ಪರಮಾತ್ಮ ಬ್ರಹ್ಮವೆ ಸ್ವರೂಪವಾಗಿ
ಎರಡು ಭುಜ ಎರಡು ನೇತ್ರ ಎರಡು ಪಾದ ಒಂದು ಶಿರ ಉಳ್ಳಾತನಾಗಿ
ಆ ಗುರು ಸ್ವರೂಪವಾಗಿ
ಜಗತ್ತಿಗೆ ಹಿತವೆ ಪ್ರಯೋಜನವಾಗಿ
ಉಳ್ಳ ಜ್ಞಾನ ಸ್ವರೂಪವಾದ ಶರೀರವನು ಧರಿಸುತ್ತಿಹನು.
ಆತನು ಶಿವನು. ಆತನೆ ಚರ ಮೂರ್ತಿಯಯ್ಯ
ಶಾಂತವೀರೇಶ್ವರಾ
