ಅಂಗವು ಆಚಾರವನಾಶ್ರಯಿಸಿಹುದು.

ಅಂಗವು ಆಚಾರವನಾಶ್ರಯಿಸಿಹುದು. ಆಚಾರವು ಪ್ರಾಣವನಾಶ್ರಯಿಸಿಹುದು. ಪ್ರಾಣವು ಲಿಂಗವನಾಶ್ರಯಿಸಿಹುದು. ಆ ಲಿಂಗವು ಜಂಗಮವನಾಶ್ರಯಿಸಿಹುದು. ಆಚಾರ ಲಿಂಗವು ಗುರುಲಿಂಗದಲೈಕ್ಯವಾಯಿತ್ತು. ಆ ಗುರುಲಿಂಗವು ಶಿವಲಿಂಗದಲ್ಲಿ ಲಯವಾಯಿತ್ತು. ಆ ಶಿವಲಿಂಗವು ಜಂಗಮಲಿಂಗದಲ್ಲಿ ಲಯವಾಯಿತ್ತು. ಆ ಜಂಗವಲಿಂಗವು ಪ್ರಸಾದಲಿಂಗದಲ್ಲಿ ಅಡಗಿತ್ತು. ಆ ಪ್ರಸಾದಲಿಂಗವು ಮಹಾಲಿಂಗದಲ್ಲಿ ಅಡಗಿತ್ತು. ಆ ಮಹಾಲಿಂಗವು ನಿಃಕಲಲಿಂಗದಲ್ಲಿ ಅಡಗಿತ್ತು. ಆ ನಿಃಕಲಲಿಂಗವು ಶೂನ್ಯಲಿಂಗದಲ್ಲಿ ಅಡಗಿತ್ತು. ಆ ಶೂನ್ಯಲಿಂಗವು ನಿರಂಜನಸ್ವರೂಪವಾದ ಪ್ರಭುವೆಂಬ ಅನಾದಿ ಜಂಗಮದಲ್ಲಿ ಅಡಗಿತ್ತಯ್ಯ ಶಾಂತವೀರೇಶ್ವರಾ ಸೂತ್ರ: ಈ ಪ್ರಕಾರದಿಂದ ಸ್ವೀಕೃತವಾದ ಲಿಂಗಮಹಾತ್ಮ ಉಳ್ಳಂತ ಪ್ರಸಾದಿಯು ಜ್ಞಾನದೊಳಗೆ ನೆಲೆಗೊಂಡು ಜಂಗಮಮಹಾತ್ಮೆಯ ಹೇಂಗಿದ್ದಿತ್ತೆಂದಡೆ ಮುಂದೆ ‘ಜಂಗಮಮಹಾತ್ಮೆಯಸ್ಥಲ’ವಾದುದು

Transliteration Comment None