ಅಂಗಮೆನಲು ಚಂದ್ರೋಪಮಾನಮಾದ ದೇಹಮದಕ್ಕೆ ದೃಷ್ಟಾಂತ:
ಚಂದ್ರಂಗೆ ಕೃಷ್ಣ ಪಕ್ಷದೊಳ್ಕಲೆಗಳು ಕ್ಷಯವಾಗುವವು.
ಶುಕ್ಲಪಕ್ಷದೊಳು ಕಲೆಗಳು ಸಂಪೂರ್ಣವಾಗುತ್ತಿಹವು.
ಆ ಚಂದ್ರನೊಲು, ದೇಹವು ಆಧಿವ್ಯಾಧಿಗಳಿಂದೆ ನಷ್ಟವಾಗುವದು.
ಅವು ಪರಿಹಾರವಾದ ನಂತರ ವೃದ್ಧಿಯಾಗುವುದು.
ಅದರಿಂದ ಚಂದ್ರನೆಂಬ ಸಂಜ್ಞೆಯಾಯಿತ್ತು.
ಅಂಥ ಬಾಲೇಂದಪುರವೆಂಬ
ವಿಧಾನ ಉಳ್ಳ ಶರೀರದಲ್ಲಿ ನೆಲೆಗೊಂಡಿರುವ
ಆತ್ಮನ ಜನ್ಮ ಜರಾ ಮರಣ ಶೋಕ ಮೋಹವೆಂಬ
ಅನಿಷ್ಠ ಪಂಚಕಂಗಳನು ಪರಿಹರಿಸುವ
ಇಷ್ಟಬ್ರಹ್ಮಸ್ವರೂಪವಾದ ಸದ್ಗುರುಮೂರ್ತಿ ಎಂಬ ಅಭಿಧಾನವುಳ್ಳ
ಶಾಂತವೀರೇಶ್ವರಾ
