ಆಚಾರ್ಯನು ಜ್ಞಾನವನು ಹೇಳಿ ಶಿಷ್ಯನನು ಶಿಕ್ಷಿಸುವನು.

ಆಚಾರ್ಯನು ಜ್ಞಾನವನು ಹೇಳಿ ಶಿಷ್ಯನನು ಶಿಕ್ಷಿಸುವನು. ಸತ್ಯವನು ನಡಿ, ಧರ್ಮವನು ಆಚರಿಸು, ನಿನ್ನ ಓದಿನಿಂದ ಗರ್ವಿಷ್ಠನಾಗಬೇಡ, ಚಿದೈಶ್ವರ್ಯಕ್ಕೊಸ್ಕರ ಮದ ಮತ್ಸರಗೊಳ್ಳಬೇಡ, ಪೂರ್ವಾಶ್ರಯ ನಿರಸನ ಮಾಹೇಶ್ವರಂಗೆ ಪಾರ್ವತಿಯೆ ತಾಯಿಯಾಗಿ ಉಳ್ಳವನಾಗು; ಶಿವನೆ ತಂದೆಯಾಗಿ ಉಳ್ಳವನಾಗು, ಗುರುವೆ ದೈವ ಉಳ್ಳವನಾಗು, ಜಂಗಮವೆ ದೈವ ಉಳ್ಳವನಾಗು, ದೋಷ ರಹಿತವಾದ ಸತ್ಕರ್ಮಂಗಳನು ಸೇವಿಸು; ದುಷ್ಕರ್ಮಂಗಳನು ಸೇವಿಸದರು, ಉತ್ತಮ ಶಿವಚರಿತ್ರಂಗಳನ್ನು ಉಪಾಸಿಸು; ಉಳಿದ ದುಶ್ಚರಿತ್ರಂಗಳು ಮಾಡಲು ತಕ್ಕವಲ್ಲ; ಇದು ಉಪದೇಶವಯ್ಯ ಶಾಂತವೀರೇಶ್ವರಾ

Transliteration Comment None