ಗುರು ಭಕ್ತನಂಗ, ಲಿಂಗ ಮಹೇಶ್ವರನಂಗ,
ಜಂಗಮ ಪ್ರಸಾದಿಯಂಗ.
ಇಂತೀ ತ್ರಿವಿಧಸ್ಥಲಂಗಳಲ್ಲಿ ತ್ರಿವಿಧವಡಗಿ,
ತ್ರಿವಿಧ ಇದಿರಿಟ್ಟು, ತ್ರಿವಿಧ ಐಕ್ಯವಾಗಿ,
ಬೆಳಗಿಂಗೆ ಕಳೆದೋರಿ, ಕಳೆಗೆ ಕಾಂತಿ ಪ್ರಜ್ವಲಿಸುವಂತೆ,
ಅರ್ಕನ ಕಿರಣದಂತೆ, ಸಾಕಾರ ರೂಪಿಂಗೆ ಉಭಯಚಕ್ಷುವಾಗಿ,
ಬೆಳಗಿನಿಂದ ಬೆಳಗ ಕಂಡಂತೆ,
ಸ್ಥಲವ ನೆಮ್ಮಿ, ಸ್ಥಲದಲ್ಲಿ ಒಲವರವಿಲ್ಲದೆ ನೋಡಲಿಕ್ಕೆ,
ಸ್ಥಲಭರಿತಮೆಲ್ಲಿಯೂ ನೀನೆ,
ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Guru bhaktanaṅga, liṅga mahēśvaranaṅga,
jaṅgama prasādiyaṅga.
Intī trividhasthalaṅgaḷalli trividhavaḍagi,
trividha idiriṭṭu, trividha aikyavāgi,
beḷagiṅge kaḷedōri, kaḷege kānti prajvalisuvante,
arkana kiraṇadante, sākāra rūpiṅge ubhayacakṣuvāgi,
beḷagininda beḷaga kaṇḍante,
sthalava nem'mi, sthaladalli olavaravillade nōḍalikke,
sthalabharitamelliyū nīne,
niḥkaḷaṅka mallikārjunā.
