ದೇಹದ ಕಲೆಯನರಿವನ್ನಬರ ಇಷ್ಟಲಿಂಗ ಸಂಬಂಧಿಯಲ್ಲ.
ಭಾವದ ಭ್ರಮೆ ಉಳ್ಳನ್ನಕ್ಕ ಭಾವಲಿಂಗ ಸಂಬಂಧಿಯಲ್ಲ.
ಪ್ರಾಣ ಪ್ರಳಯವನರಿವನ್ನಬರ ಪ್ರಾಣಲಿಂಗ ಸಂಬಂಧಿಯಲ್ಲ.
ಭಾವ ಇಷ್ಟದಲ್ಲಿ ನಿಂದು, ಇಷ್ಟಕ್ಕೆ ಭಾವ ಚೇತನವಾಗಿ
ರಜ್ಜು ತೈಲವ ಅಗ್ನಿಗೆ ಛೇದಿಸಿಕೊಡುವಂತೆ,
ಇಷ್ಟಭಾವದ ಸತ್ವ, ಆ ಉಭಯನಾಧರಿಸಿ ನಿಂದ ಒಡಲು ಸದ್ಭಾವವಂತನ ಕ್ರೀ.
ಈ ಮೂರು ಏಕವಾಗಿ ವೇಧಿಸಿ, ಉದಯಿಸಿ ತೋರುವ ಬೆಳಗು,
ಆ ಕಳೆಯನೊಳಕೊಂಡಲ್ಲಿ, ಪ್ರಾಣಲಿಂಗಸಂಬಂಧ,
ನಿಃಕಳಂಕ ಮಲ್ಲಿಕಾರ್ಜುನಾ.
Art
Manuscript
Music
Courtesy:
Transliteration
Dēhada kaleyanarivannabara iṣṭaliṅga sambandhiyalla.
Bhāvada bhrame uḷḷannakka bhāvaliṅga sambandhiyalla.
Prāṇa praḷayavanarivannabara prāṇaliṅga sambandhiyalla.
Bhāva iṣṭadalli nindu, iṣṭakke bhāva cētanavāgi
rajju tailava agnige chēdisikoḍuvante,
iṣṭabhāvada satva, ā ubhayanādharisi ninda oḍalu sadbhāvavantana krī.
Ī mūru ēkavāgi vēdhisi, udayisi tōruva beḷagu,
ā kaḷeyanoḷakoṇḍalli, prāṇaliṅgasambandha,
niḥkaḷaṅka mallikārjunā.
