ಕಾಡಸಿದ್ಧೇಶ್ವರ   
Index   ವಚನ - 101    Search  
 
ನವಖಂಡಮಂಡಲದೊಳಗೊಂದು ಅದ್ಭುತವಾದ ಪಟ್ಟಣವಿಪ್ಪುದು. ಆ ಪಟ್ಟಣಕ್ಕೆ ಮೂರಾರು ಕೊತ್ತಲ, ಎರಡೆಂಟು ಬುರುಜು, ಸಪ್ತ ಅಗಳತ, ಎಂಟೊಂದು ದರವಾಜ, ಉಭಯ ಕವಾಟ, ಷಡ್ವಿಧನಾಯಕರು, ಐವರು ತಳವಾರರು, ಮೂರುಮಂದಿ ಹುದ್ದೇದಾರರು, ನಾಲ್ಕುಮಂದಿ ಕರಣಿಕರು, ತಲೆಯಿಲ್ಲದ ಮಂತ್ರಿ, ಕಣ್ಣಿಲ್ಲದ ರಾಜನಾಗಿಹ, ಮೂರಾರು ಕೆಡಿಸಿ, ಎರಡೆಂಟು ಹಿಟ್ಟಗುಟ್ಟಿ, ಸಪ್ತ ಎಂಟೊಂದ ಮುಚ್ಚಿ, ಎರಡು ಕಿತ್ತು, ಆರು ಆಯಿದು ಹರಿಗಡಿದು, ಮೂರುನಾಲ್ಕು ಮುರಿಗಡಿದು, ಮಂತ್ರಿಗೆ ತಲೆ ರಾಜನಿಗೆ ಕಣ್ಣು ಬಂದಲ್ಲದೆ, ಆ ಪಟ್ಟಣ ಆರಿಗೂ ಸೌಖ್ಯವೇ? ಸೌಖ್ಯವಲ್ಲ. ಕಾಡನೊಳಗಾದ ಶಂಕರಪ್ರಿಯ ಚನ್ನಕದಂಬಲಿಂಗ ನಿರ್ಮಾಯಪ್ರಭುವೆ.
Transliteration Sthala Comment None