ಸಪ್ತದ್ವೀಪಂಗಳ ರಚಿಸಿದ ಸಾವಿರೆಸಳಮುತ್ತಿನಮಂಟಪದೊಳಗೆ

ಸಪ್ತದ್ವೀಪಂಗಳ ರಚಿಸಿದ ಸಾವಿರೆಸಳಮುತ್ತಿನಮಂಟಪದೊಳಗೆ ಒಬ್ಬ ಸತಿಯಳು ನಿಂದು ಚಿಲ್ಲಿಂಗಾರ್ಚನೆಯ ಮಾಡುತಿರ್ಪಳು ನೋಡಾ! ಅದು ಹೇಗೆಂದಡೆ: ಸತ್ತುಚಿತ್ತಾನಂದನಿತ್ಯಪರಿಪೂರ್ಣವೆಂಬ ಐದಂಗವನಂಗೀಕರಿಸಿಕೊಂಡು, ಪರವಶದಲ್ಲಿ ನಿಂದು, ತಾರಕಾಕೃತಿ, ದಂಡಕಾಕೃತಿ, ಕುಂಡಲಾಕೃತಿ, ಅರ್ಧಚಂದ್ರಾಕೃತಿ, ಬಿಂದ್ವಾಕೃತಿಯೆಂಬ ಪಂಚಕೃತಿಗಳನಂಗೀಕರಿಸಿಕೊಂಡು, ನಿರಂಜನದೇಶಕೆ ಹೋಗಿ, ಮನಜ್ಞಾನ ಸುಜ್ಞಾನ ಪರಮಜ್ಞಾನ ಮಹಾಜ್ಞಾನ ಸ್ವಯಜ್ಞಾನವೆಂಬ ಪಂಚಜ್ಞಾನವನ್ನಂಗೀಕರಿಸಿಕೊಂಡು, ಪರಿಪೂರ್ಣವೆಂಬ ಆಶ್ರಮದಲ್ಲಿ ತೊಳಗಿ ಬೆಳಗುವ ಮಹಾಮಹಿಮಂಗೆ ಓಂ ನಮಃ ಓಂ ನಮಃ ಎನುತಿರ್ದೆನಯ್ಯಾ ಝೇಂಕಾರ ನಿಜಲಿಂಗಪ್ರಭುವೆ.

Transliteration Sthala Comment None