ಗುರುಶಿಷ್ಯಸಂಬಂಧವೆಂತಿಪ್ಪುದೆಂದಡೆ,
ಹೇಳಿಹೆ ಕೇಳಿರೋ, ಅರಿಮರುಳುಗಳಿರಾ.
ಕಾಯಗುಣವಳಿದುದೇ ಗುರು,
ಜೀವಗುಣವಳಿದುದೇ ಲಿಂಗ,
ಪ್ರಾಣಗುಣವಳಿದುದೇ ಜಂಗಮ.
ಈ ತ್ರಿವಿಧವನರಿದು ಆ ತ್ರಿವಿಧ
ನಿಕ್ಷೇಪವನರುಹಿಸಿಕೊಟ್ಟವನೀಗ ಗುರು.
ಅಲ್ಲಿ ಉಪದೇಶವ ಕೊಂಡವನೀಗ ಶಿಷ್ಯ.
ಹೀಗಿರುವುದೀಗ ಗುರುಶಿಷ್ಯಸಂಬಂಧ.
ಅದಕ್ಕೆ ನಮೋ ನಮೋ ಎಂಬೆ,
ಬಸವಪ್ರಿಯ ಕೂಡಲಚೆನ್ನಬಸವಣ್ಣಾ.
Art
Manuscript
Music
Courtesy:
Transliteration
Guruśiṣyasambandhaventippudendaḍe,
hēḷihe kēḷirō, arimaruḷugaḷirā.
Kāyaguṇavaḷidudē guru,
jīvaguṇavaḷidudē liṅga,
prāṇaguṇavaḷidudē jaṅgama.
Ī trividhavanaridu ā trividha
nikṣēpavanaruhisikoṭṭavanīga guru.
Alli upadēśava koṇḍavanīga śiṣya.
Hīgiruvudīga guruśiṣyasambandha.
Adakke namō namō embe,
basavapriya kūḍalacennabasavaṇṇā.
