ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ ಅಂಕಿತದ ವಚನಗಳು   
Index   ವಚನ - 13    Search  
 
ಸೂತಕದೊಳು ಪುಟ್ಟಿತು ಸುಜ್ಞಾನವು. ಸೀತಾಳದೊಳು ಅಪವಿತ್ರವೆ ಪವಿತ್ರ. ಜಾತಿಹೊಲೆಯರ ಮನೆಯಿದು ಕುಲಹೀನವೆನಬಹುದೆ? ಕಾತುರವೆ ಅಕ್ಕುಲ, ಹುಸಿಯೆಂಬುದೆ ಹೊಲೆಯ ಆಶೆಯೆಂಬುದೆ ಹಾರುವ, ವಿಷಯವೆಂಬುದೆ ಮಾದಿಗ ಜಾತಿಯ ಜನಿತದ ಮೂತ್ರದ ಕುಕ್ಷಿಯೊಳು ಮೋಹವೆಲ್ಲವೇನಯ್ಯ? ನೂತನ ನೂರೊಂದು ಕುಲ, ಹದಿನೆಂಟು ಸಮಯ ಆರು ದರುಶನ, ಜೋತಿರ್ಮಯ ಲಿಂಗದ ಗೂಡು. ಅಂಗವಿಕಾರವು ಗೀತದ ಮಾತಲ್ಲ ಕಾಣಾ ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.
Transliteration Comment None