ಇಚ್ಚೆಯನಾಡಿದರೆ ಲೋಕ ಮೆಚ್ಚುವುದು ಬೆರೆವುದು.

ಇಚ್ಚೆಯನಾಡಿದರೆ ಲೋಕ ಮೆಚ್ಚುವುದು ಬೆರೆವುದು. ಕಚ್ಚೆಗಡುಕರ ಸಂಗ ಮಾಡುವ ಕರ್ಮ ಸಾಕು. ಚುಚ್ಚಕರು ಕ್ಷುಲ್ಲಕ ಯುಕ್ತಿಯ ಬಿಡಲರಿಯರು. ನಚ್ಚಬೇಡ ಅವರಿಂದ ನರಕ ತಪ್ಪದು. ಹುಚ್ಚಾಗಿ ಹೋಪರೆ ಹುದಗೊಡಿ ಹುಸಿಕರ? ನಿಶ್ಚಯವಿಲ್ಲದವರ ಸಂಗ ಉಚ್ಚೆಯಲಿ ಮಿಂದಂತೆ. ಬಚ್ಚಿಟ್ಟ ದ್ರವ್ಯವ ಬಯಲಿಗೆ ಹಾಕಬಹುದೆ? ನುಚ್ಚ ಕಟ್ಟಬಾರದ ಅರಿವೆಯಲ್ಲಿ, ರಂಗವಾಲೆ ನಿಲ್ಲುವುದೆ? ಮುಚ್ಚಿದ ದಾಸಿವೇಶಿಗೆ ಹರಿದ ಕರ್ಮಿಗೆ ಸಿಕ್ಕುವನೆ ಶಿವನು? ಲಕ್ಷಕ್ಕೆ ಒಬ್ಬ ಮುಗ್ಧ, ದಶಲಕ್ಕಕ್ಕೆ ಒಬ್ಬ ಸಿದ್ಧ; ನಿಶ್ಚಯ ಕೋಟಿಗೊಬ್ಬ ಪುರಾತ! ಅಚ್ಚಲಿಂಗೈಕ್ಯ ಅಪೂರ್ವ ಕಾಣಾ ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.

Transliteration Comment None