ತನ್ನ ಸತಿಯ ಬಿಟ್ಟು ಅನ್ಯಸತಿಯಳಿಗೆ ಎರಗುವ
ಕುನ್ನಿನಾಯಿಗಳ ನೋಡಬಹುದೆ?
ಬಿನ್ನಾಣ ಮಾಡಿದ ರೂಪಿನೊಳು ಶಿವನಿಪ್ಪನೆ?
ತನ್ನ ಸತಿ ತನ್ನಂಗ, ಪರಸತಿ ಪರರಂಗ
ಮುನ್ನ ಪ್ರತಿಗೆ ಪ್ರತಿ ಸತಿ-ಪತಿ
ತನ್ನ ಧನ ತನ್ನ ಸತಿ ತನ್ನ ಮಕ್ಕಳು(ಳ?)
ಇನ್ನೊಬ್ಬರೊಯ್ವಾಗ ಸುಮ್ಮನಿಪ್ಪನೆ?
ತಿನ್ನಬಂದುದ ತಿನ್ನಬೇಕಲ್ಲದೆ, ತಿನ್ನದ ತಿಂಬರೆ?
ಮುನ್ನ ಪರದಾರದಿಂದ [ಮಾಡಿದ] ಪಾಪಿ ರಾವಳನು.
ಅನ್ಯಾಯದಿಂದ ಕೆಟ್ಟರು ಅನಂತ ಸಮರ್ಥರು ಕಾಣಾ
ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.
