ಒಬ್ಬರಿಗೆ ಹೇಳಿ ತಾ ನಡೆಯದವರ ಸಂಗ,

ಒಬ್ಬರಿಗೆ ಹೇಳಿ ತಾ ನಡೆಯದವರ ಸಂಗ, ಗೊಬ್ಬರದೊಳಗಣ ಚೇಳಿನಂತೆ. ಹುಬ್ಬು ಹಾಕುತ್ತಿಪ್ಪ ಹುಸಿಕರ ಕಂಡರೆ ಹುಸಿ, ದಿಟರ ಕಂಡರೆ ದಿಟ ಹುಬ್ಬಿಸುವ ಮಾತಿನ ಮಾಲೆಯ ಮರ್ಕಟನಂತೆ. ಇಬ್ಬದಿಗನ ಇಹದಲ್ಲಿ ನಿಂತವಂಗೆ ಇಹಪರವಿಲ್ಲ. ಉಬ್ಬಿಸುವ ಉಲಿಗಿತ್ತಿಯಂತೆ ಊರಗಂಟಿಗೆ, ಹಬ್ಬವ ಮಾಡಿದವರ ಮನೆಗೆ ಹಾಡಬಂದಂತೆ. ಸರ್ಪಗ್ರಹಣ ಹಿಡಿದಿದೆ ಇಂತು ಇಚ್ಚಕರಿಗೆ. ಅರ್ಬೂತವೆಬ್ಬಿಸಲಿಕೆ ಆಗಮದ ಒಡೆಯ ಬಂದ. ಒಬ್ಬನ ಬೋಧೆಯಲ್ಲದೆ ಇಲ್ಲ ಇನ್ನು ಕಾಣಾ ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.

Transliteration Comment None