ಒಬ್ಬರ ಕಂಡು ಒಬ್ಬರು ಸಾಹಿತ್ಯವಾದರೇನು, ಸನ್ನಿಹಿತರಲ್ಲ.
ಮುಬ್ಬುಗಾವಳ ಕವಿದಂತೆ, ಮೋರೆ ಮೋರೆಗೆ ತಾಕು ತಾಕು.
ಇಬ್ಬರ ವಿಶ್ವಾಸ (ಉಚ್ಛ್ವಾಸ?) ಇಕ್ಕುರೋಗವಾಯಿತ್ತು.
ನಿಬ್ಬಣ ಮನೆಯಲ್ಲಿ ನೀ ಕದ್ದೆ
ತಾ ಕದ್ದೆ ಎಂದು ಕೊಂದಾಡಿದಂತೆ;
ಕಬ್ಬ ಕಡಿದು ಗಾಣವಾಡಿದಂತೆ,
ಕಾವಲಿಯೊಳು ಸುಟ್ಟರೆ ಸಿಹಿ ಬಿಟ್ಟೀತೆ?
ಹುಟ್ಟು ಹಾಕುತ್ತಾರೆ, ಒಡೆಯರಿಗೆ ಭಕ್ತರು
ಭಕ್ತರಿಗೆದುರಾಗಿ ಒಡೆಯರು.
ಕಬ್ಬು ಕಟ್ಟಿಗೆಗೆ ಆ ಗುಣವಿತ್ತು, ಗುರು ಶಿಷ್ಯರಿಗೆ ಇಲ್ಲ
ತುಬ್ಬನಿಕ್ಕಿಸಿ ತೆಗೆದು ಕಳಂಕವ,
ಇನ್ನು ಒಬ್ಬನೆ ಗುರುಭಕ್ತ ಕಾಣಾ
ಎಲೆ ನಮ್ಮ ಕೂಡಲ ಚೆನ್ನಸಂಗಮದೇವಯ್ಯ.
