ಲಿಂಗವಿದ್ದುದೇ ಕೈಲಾಸ, ಲಿಂಗವಿದ್ದುದೇ ಕಾಶೀಕ್ಷೇತ್ರ
ಲಿಂಗವಿದ್ದುದೇ ಅಷ್ಠಾಷಷ್ಟಿಮುಕ್ತಿಕ್ಷೇತ್ರ ಕಾಣಿರಣ್ಣಾ.
ಇದು ಕಾರಣ, ಲಿಂಗವಿದ್ದ ಠಾವ ಕೇಳಿರೆ:
ಲಿಂಗವಿದ್ದ ಠಾವು, ಭಕ್ತಕಾಯ ಮಮಕಾಯವೆಂದುದಾಗಿ
ಭಕ್ತನ ಕಾಯ ಲಿಂಗಕಾಯ,
`ಲಿಂಗಾಲಿಂಗೀ ಮಹಜ್ಜೀವಿ' ಎಂದುದಾಗಿ
ಲಿಂಗವಂತನೇ ಲಿಂಗಪ್ರಾಣಿ ಕಾಣಿರಣ್ಣಾ.
ಇಂತೆಂದುದಾಗಿ,
ಶಿವಭಕ್ತನ ಸಂಗ ಲಿಂಗಸಂಗ,
ಶಿವಭಕ್ತನ ಪಾದವೇ ಮುಕ್ತಿ
ಉರಿಲಿಂಗಪೆದ್ದಿಪ್ರಿಯ ವಿಶ್ವೇಶ್ವರಾ.
Art
Manuscript
Music
Courtesy:
Transliteration
Liṅgaviddudē kailāsa, liṅgaviddudē kāśīkṣētra
liṅgaviddudē aṣṭhāṣaṣṭimuktikṣētra kāṇiraṇṇā.
Idu kāraṇa, liṅgavidda ṭhāva kēḷire:
Liṅgavidda ṭhāvu, bhaktakāya mamakāyavendudāgi
bhaktana kāya liṅgakāya,
`liṅgāliṅgī mahajjīvi' endudāgi
liṅgavantanē liṅgaprāṇi kāṇiraṇṇā.
Intendudāgi,
śivabhaktana saṅga liṅgasaṅga,
śivabhaktana pādavē mukti
uriliṅgapeddipriya viśvēśvarā.
